KIA објави фотографии од својот прв електричен автомобил.
KIA во 2007 година го претстави новиот изглед на предната маска кој го трансформираше дизајнот на јужнокорејската компанија, а сега 13 години подоцна пристигна и првиот електричен автомобил со нов дизајн.
Се работи за моделот EV6. Oва е првиот електричен автомобил на јужнокорејската компанија кој го покажува новиот дизајн на компанијaта.
Моделот EV6 има остри линии и динамични светла, а од профилот изгледа како кросовер иако е релативно низок. Задниот дел е можеби најинтересен бидејќи тука се наоѓаат ЛЕД светлата.
Откриен е и изгледот на внатрешноста, а од компанијата порачуваат дека просторот е иновативно искористен благодарение на новата E-GMP платформа дизајнирана за електрични автомобили.
Премиерата на моделот EV6 ќе се одржи овој месец, а тогаш ќе бидат познати и повеќе информации за погонот и достапноста на пазарот.
