Kia и Genesis оваа година ќе претстават електрични кросовери базирани на новата E-GMP платформа.
За првиот електричен кросовер на Genesis се зборува уште пред година дена. Во јануари 2020 година се шпекулираше дека ќе претстават потполно нов електричен модел, а сега пристигна и официјалната информација која го потврдува тоа.
Hyundai Motor Group во извештајот ги откри деталите за својата стратегија за оваа година, а официјално е најавен и Genesis кросоверот на електричен погон кој ќе дебитира оваа година.
„Со лансирање на новите автомобили базирани на E-GMP платформата ќе понудиме атрактивни и еколошки прифатливи опции кои ги задоволуваат различните вкусови на купувачите и нивните потреби, со пристапни цени“, се наведува во соопштението на компанијата.
Hyundai планира да има најмалку 25 електрични возила во продажба до 2025 година, а на глобалниот пазар годишно ќе продава најмалку милион примероци. Сите автомобили ќе бидат базирани на споменатата платформа.
