Воздушната одбрана на Киев целосно одби уште еден масовен напад од руски беспилотни летала, објави воената администрација.
Русија „повторно го нападна Киев од воздух“, напиша на Telegram Серхиј Попко, шеф на цивилната и воената администрација на Киев, додавајќи дека воздушната тревога во градот траела повеќе од три часа.
„Според првичните информации, во овој масовен напад учествувале дронови од типот Шахид“, рече тој.
„Ангелите чувари на Украина не му дадоа шанса на агресорот. Сите воздушни цели што летаа кон Киев беа соборени од нашата противвоздушна одбрана“, рече тој. Сличен напад на градот имаше и пред четири дена, потсети Попко, кој наведе дванаесет офанзиви врз градот во мај.
Во текот на ноќта, воздушната тревога беше прогласена и во други градови, вклучувајќи го Харков на исток и Черновци на запад, соопштија властите.
