Од каталонскиот клуб потврдија дека Валверде заминува и на негово место кормилото го презема Кике Сетјен.
Барселона и Ернесто Валверде одржале состанот на кој ги договориле деталите за прекинување на соработката. Валверде прифатил да си замине отворајќи му пат на новиот тренер да почне веднаш.
Енрике Сетјен Солар, попознат како Кике, е 61-годишен стратег родум од Сандандер во Кантабрија. Поранешен играч од средниот ред кој настапувал за Расинг Сантандер, Атлетико, Логроњес и Леванте, а трипати го носел дресот и на шпанската репрезентација.
Тренерската кариера ја почнал во Расинг од каде преку Поли Ехидо, Логроњес, Луго и Лас Палмас во 2017 го презема Бетис од каде си замина во мај минатата година и оттогаш беше без ангажман. Во 2006 кратко време беше селектор на Екваторијална Гвинеја.
Сетјен денеска во 13.30 часот ќе го потпише договор, во 14 часот ќе направи фото-сесија на „Камп Ноу“, а официјалнатата прес-конференција ќе следува веднаш после тоа од 14.30.