Севернокорејскиот лидер Ким Јонг Ун ја пофали соседската Јужна Кореја за организацијата на овогодинешните Зимски олимписки игри и го повика нивниот народ на „заживување на топлата атмосфера и помирување“.
Овие коментари беа дадени откако делегацијата на Северна Кореја, предводена од Ким Јонг Ун и неговата сестра, се вратија дома по посетата на Пјонгчанг.
Државните медиуми соопштија дека Ким го истакнал „импресивниот труд“ што го вложи Јужна Кореја во организацијата на ЗОИ. Но, се појави и загриженост дека Северна Кореја го искористила тоа за да прогласи пропагандна програма.
„Откако го доби извештајот од делегацијата, Ким Јонг Ун изрази задоволство“, објави државната новинска агенција KCNA.
Ким Јонг Ун е импресиониран од можностите на Јужна Кореја и е свесен дека неговата делегација имаше приоритна положба, за што се заблагодари на соседската власт. Тој повика на „заживување на топлата атмосфера, помирување и дијалог“ помеѓу двете земји и притоа даде дополнителни инструкции како би можело тоа да се случи.