Американската реалити ѕвезда Ким Кардашијан на своите социјални мрежи откри дека се подложила на уште еден третман поради добар изглед.
На својот Instagram, Ким сподели фотографија од нејзиниот стомак по третманот за затегнување, покажувајќи ги резултатите.
„Мислам дека ова е мојот омилен ласер. Боли, но вреди“, напиша Кардашијан покрај фотографијата на која се гледа црвенилото кое се проширило на овој дел од нејзиното тело.
Мајката на четири деца веќе докажа дека е подготвена да трпи сѐ за убавина, па и малку болка, а сепак често успева да дојде во центарот на вниманието поради нејзината импресивна фигура во бикини, што и е нејзина цел.
Посветува многу внимание и на грижата за своето лице. Иако инсистира дека никогаш немала филери во усните или образите, ријалити ѕвездата во едно од интервјуата призна дека направила ботокс на челото.
Нејзината страст за нега на кожата ја споделува и со нејзиното момче Пит Дејвидсон, кој е 13 години помлад од неа.
„Тоа е една од главните работи што нѐ поврзуваат. Одиме заедно на дерматолози, заедно пукаме мозолчиња“, призна таа еднаш низ смеа.
Ким и Пит се во врска од октомври минатата година.
