Севернокорејскиот лидер Ким Џонг Ун истакна дека неговата земја е блиску до завршување на нуклеарната програма.
Тој изјави дека и покрај меѓународните санкции, крајната цел останува воспоставување на „еднаквост на силите“ со САД.
„Конечната цел е постигнување на еднаквост на силите со САД и на тој начин да им се даде до знаење на американските лидери никогаш повеќе да не се осмелат да разгледуваат воена опција против Народна Репбулика Кореја“, изјави Ким Џонг Ун.
Тој оцени дека лансирањето на вчерашната ракета поминало успешно и дека ги засилило „нуклеарните капацитети“ со кои располага Северна Кореја.
„Близу сме до остварување на целта. Јасно им покажавме на тие големи националистички сили како нашата земја и покрај нивните неограничени санкции и блокади го испорачува своето нуклеарно оружје“, истакна Ким.
Во соопштението кое го приложи Советот за безбедност се бара од Пјонгјанг „веднаш да прекине со сите скандалозни и високо провокативни акти“.