Севернокорејскиот лидер Ким Џонг Ун ветил дека ќе го зајакне сеопфатното стратешко партнерство со Русија во своето писмо до рускиот претседател Владимир Путин испратено вчера, објави официјалната севернокорејска новинска агенција KCNA.
Во писмото, Ким им ја честиташе Новата година на Путин и на сите Руси, вклучително и нивните војници, и ја изрази својата подготвеност за дополнително зајакнување на билатералните врски, кои, како што рече, двајцата лидери го поставиле на највисоко ниво оваа година со нови проекти, пренесе KCNA.
Ким „посака новата 2025 година да биде запишана како прва година на победа во 21 век кога руската армија и народ ќе го поразат неонацизмот и ќе постигнат голема победа“, додава агенцијата.
На самитот во јуни, Ким и Путин потпишаа договор за меѓусебна одбрана, според кој секоја страна е обврзана да и помогне на другата во случај на вооружен напад. Оттогаш Северна Кореја испрати десетици илјади војници во Русија за да помогнат во нејзината војна против Украина, а Сеул и Вашингтон соопштија дека повеќе од илјада се убиени или ранети.
