ЕУ и неколку западни земји воведоа санкции против кинеските власти поради кршење на правата на муслиманската малцинска заедница Ујгури во кинескиот регион Синџијан.
Санкциите беа воведени од ЕУ, Обединетото Кралство, САД и Канада.
Кина одговори со воведување свои санкции врз европските претставници.
Пекинг ги негира сите обвинувања за кршење на човековите права во северозападниот регион.
Кинеското Министерство за надворешни работи денеска соопшти дека го повикале амбасадорот на ЕУ, Никола Шапи, да вложи протест против санкциите.
Во соопштението од Министерството се вели дека заменик-министерот за надворешни работи Чин Ган, рекол дека ЕУ треба да ја признае сериозноста на својата грешка и да ја исправи со цел да се спречи натамошно нарушување на односите меѓу Брисел и Пекинг.