Кинескиот Global Times објави дека во Кина е создаден најголемиот електричен робот на четири нозе.
Станува збор за џиновски робот кој е дел од напорите кои Кина ги вложува за да стане глобален лидер во роботиката до 2025 година, но и во воената технологија. Иако роботот е голем, лесно се движи напред, назад и дијагонално.
Може да трча и скока благодарение на 12 сетови зглобни модули.
Опремен е со сензори со кои може одлично да се снаоѓа на терен, а може да се качува на скали, низ канали, карпи, пустина, снег и кал. Вториот важен факт е можноста за наоружување.
Роботот може да носи товар до 160 килограми и да достигне брзина на движење од 10 км/час. Се очекува дека ќе биде дел од извидниците на комплексни опкружувања кои се преголем предизвик за луѓето. Може да собира и тактички информации на терен.
Роботот може да се користи за транспорт на опрема, муниција и храна на различни локации кои се тешко пристапни за возила.
