Американската пејачка Кејти Пери не доби виза за Кина каде требаше да да настапи на ревијата на ангелите на „Victoria's Secret“ кон крајот на овој месец.
Кинеските медиуми објавија писмо во кое Кејти Пери ги моли тамошните власти да направат исклучок и во кое ветува дека „на ниту еден начин нема да го загрози кинеското единство и интегритет“.
Пред две години Кејти Пери ги налути кинеските обожаватели затоа што во таа земја се појави на сцената со знаме на Тајван, но и со сончогледи кои претставувале симбол на протестот во Тајван и предмет на спор со Кина.
Кина тврди дека Тајван е нивна територија и врши притисок на меѓународните организации да не дозволат оваа земја да учествува во настани под име како самостојна држава, ниту пак да користат свое сопствено знаме.
Од Кина на кратко и простија на Кејти Пери, бидејќи минатиот ноември имаше закажан настап, но го откажа поради „семејни проблеми“, иако обожавателите се сомневаат дека во прашање била нејзината поддршка кон Хилари Клинтон и обврските околу кампањата.
Инаку, листата на познати личности од САД на кои Кина не ѝ дозволува пристап во својата земја е сѐ подолга.
Покрај Кејти Пери, на „црната листа“ се наоѓаат и Лејди Гага, Бјорк, Ричард Гир и други славни личности.