Поради состојбата со коронавирусот во земјата, Кина се откажа од организација на Азиското фудбалско првенство, потврди денеска официјално Азиската фудбалска конфедерација (АФЦ).
Азиското фудбалско првенство, официјално Азиски куп, што се одржува на секои четири години, требаше да се игра во десет кинески градови, од 16 јуни до 16 јули идната година.
– По опсежни разговори со Кинеската фудбалска федерација (ЦФА), Азиската фудбалска конфедерација официјално е известена од кинеската страна дека нема да може да го нагости Азискиот куп 2023. Свесни сме за вонредните околности предизвикани од пандемијата на COVID-19 кои доведоа до тоа Кина да се откаже од правото на организација, соопшти АФЦ.
Кина продолжува да спроведува политиката на нулта толеранција кон заразата со COVID-19, а градовите ширум земјата се соочени со строги ограничувања како резултат на неодамнешното ширење на новиот сој омикрон.
И покрај откажувањето на организацијата, Кина ќе игра на завршницата наредната година бидејќу уествуваше во квалификациите и заврши на место кое води на овој континентален собир. Покрај Кина досега пласирани се и Јапонија, Сирија, Катар, Јужна Кореја, Австралија, Иран, ОАЕ, Саудиска Арабија, Ирак, Оман, Виетнам и Либан. Бранител на пехарот е Катар. Останатите 11 учесници ќе бидат познат во јуни кога ќе се одржи последниот трет дел од квалификациите.
