Најсофистицираниот кинески стелт ловец, J-20 Mighty Dragon, ќе работи заедно со новото борбено беспилотно летало што земјата го развива, а кое би можело да има иста брзина.
Труповите на ловецот Ј-20 и дронот FH-97A се слични, што значи дека дронот може да лета уште побрзо од Mighty Dragon. Спарувањето авион-дрон ќе го ослободи Ј-20 од борбите на првите линии за да може да се специјализира во активности за „команда и контрола, дистрибуција на податоци и препреки во комуникациите“. Ова ќе ги зголеми шансите на пилотите и нивните авиони да ја преживеат битката.
Осум помали „паметни“ ракети воздух-воздух или муниција ќе може да носи новиот борбен дрон, што ќе го компензира недостатокот на муниција во случајот со авионот Ј-20.
Дронот FH-97A го имаше своето деби во ноември за време на годишниот аеромитинг во Жухаи, Кина. Дронот го развива компанијата Feihong, оддел на владината China Aerospace Science and Technology Corporation.
Американското беспилотно летало Kratos XQ-58A Valkyrie на млазен погон е дизајниран да лета заедно со борбени авиони со екипаж како што се F-35 и F-22 и да се движи самостојно, во споредба со новиот брз борбен дрон. Сепак, воениот аналитичар Чоу Ченмин од Пекинг тврди дека тие се два различни дизајни со различни предности.
„Valkyrie е субсоничен дрон, додека FH-97A е супербрза варијанта“, рече Ченмин.
Кинеската Народноослободителна армија продолжува да инвестира ресурси во хибридно војување, кое ги комбинира вооружените системи со екипаж и беспилотни, поради што е клучно беспилотните летала да се интегрираат во борбените операции заедно со авионите со екипаж.
Доколку се произведат и распоредат повеќе такви „лојални крила“, војната со беспилотни летала може да ѝ помогне на кинеската војска да спречи американски авиони да вршат блиско извидување околу југоисточниот брег на Кина, тврди кинески поморски експерт.
„Војната со беспилотни летала може да ѝ помогне на војската да ги одврати американските авиони од извидување долж југоисточниот брег на Кина, особено ако Кина развие повеќе такви 'лојални крила' и почне да ги користи“, рече поморскиот експерт Ли Џје, истакнувајќи дека Кина ја истражува технологијата на беспилотни летала уште од 60-тите години на минатиот век.
Тој тврди дека војската ги зголемила инвестициите во хибридно војување, кое комбинира системи за оружје со екипаж и беспилотно оружје.
