Кина го одобри лекот на Brii Biosciences, неутрализирачки коктел од антитела за третман на заболените од COVID-19, соопшти денеска Кинеската агенција за лекови.
За разлика од превентивната вакцина, третманот со лекот е наменет за избегнување на компликации кај инфицираните.
Кинеската агенција за лекови јави дека дава „итно одобрение“ за кинескиот третман против COVID-19. Лекот е oснован на моноклонални антитела кои се врзуваат за шилестиот протеин на коронавирусот, намалувајќи ја неговата способност да навлезе во клетките.
Клиничките испитувања покажаа дека лекот го намалува ризикот од хоспитализација и смрт кај пациенти кои може да развијат потешка форма на болеста. Комбинацијата од BRII-196/BRII-198 покажа 78% намалена хоспитализација. Пред лекот да биде одобрен, бил употребен кај скоро 700 пациенти во Кина, пренесе Reuters.
Во Кина, која дозволува употреба само на домашни вакцини, вакцинирани се повеќе од 70 отсто од населението.