Лидерите на Кина прогласија „решавачка победа“ над COVID-19, велејќи дека нивните напори покажале дека повеќе од 200 милиони луѓе добиле медицински третман и имаат најниска стапка на смртност во светот.
„Со континуирани напори за оптимизирање на мерките за превенција и контрола на COVID-19 од ноември 2022 година, одговорот на Кина на COVID-19 направи непречена транзиција за релативно кратко време“, истакна Постојаниот комитет на Политбирото на Кина (PSC) на состанокот во четвртокот.
„Постигната е голема решавачка победа во превенцијата и контролата на епидемијата“, додаваат оттаму.
Речиси 800.000 тешки случаи добиле соодветен третман, но лидерите предупредија дека иако епидемиолошката ситуација во Кина се подобрува, вирусот сè уште се шири на глобално ниво и продолжува да мутира, објавија државните медиуми, пренесува Reuters.
На средбата беше истакнато дека Кина ќе ја зголеми стапката на вакцинација за старите лица и ќе го зајакне снабдувањето и производството на медицински производи.
PSC, најмоќното раководно тело во Кина, ги повика сите локални власти и одделенија да го зајакнат системот на медицински услуги, според извештајот на Xinhua.
Во декември, Кина ја укина својата речиси тригодишна строга политика по протестите против строгите владини ограничувања за заштита од вирусот.