Кинеска компанија од градот Заожуанг им нареди на вработените, кои не го исполниле продажниот таргет, да ползат по улица додека пред нив оди човек со знаме кое го носи името на компанијата.
Шест продавачи од компанијата, која произведува козметика, на раце и на нозе се влечеа по тротоар и на улица, додека автомобилите ги заобиколуваа. Шокираните минувачи ја снимаа оваа тажна парада на понижени службеници кои, плашејќи се од отказ, ги извршуваа наредбите од работодавачот.
Целиот немил настан е запрен од полицајци, против компанијата е покрената истрага.
Менаџерите во своја одбрана велат дека само сакале да ги мотивираат вработените кои даваат најлоши резултати во работата.