Кинеската апликација за тестирање на перформансите на смартфони AnTuTu ја објави ранг листата на најбрзи Android телефони во март.
На врвот се наоѓаат уреди засновани на чипсетот Snapdragon 855, а меѓу првите 10 се најдоа и неколку телефони опремени со Snapdragon 845 и Kirin 980.
На листата се застапени производителите Huawei, Samsung, Xiaomi, Lenovo и Vivo. Седум од десет уреди работат со Snapdragon 855, два со Kirin 980 и еден со Snapdragon 845.
На прво место е флегшип моделот на Xiaomi Mi 9 во Transparent Edition верзија што на тестот на AnTuTu освои 372.072 бодови.
Веднаш зад него е стандардниот Mi 9 со 371.878 бодови.
Третото место му припадна на телефонот Vivo iQOO Monster, кој освои 365.430 бодови.
На четврто и петто место се најдоа модели од серијата Galaxy S10 на Samsung. S10+ освои 359.987 бодови, a стандардниот S10 - 359.217 бодови.
Шестото и седмото место ги зазедоа Vivo iQOO и Lenovo Z5 Pro GT, со освоени 356.510, односно 348.591 бодови.
„Натрапниците“ на листата се Nubia Red Magic Mars, Honor V20 и Mate 20X. Овие телефони за основа немаат Snapdragon 855, туку Snapdragon 845 (Nubia) и Kirin 980 (Honor и Huawei).
Ним им припаднаа последните места на листата, а сите освоија помалку од 320.000 бодови на тестирањето.
