Пекинг, 24 мај 2020 (МИА) – Влијателниот британски медицински магазин The Lancet оцени дека резултатите од првата фаза од испитувањето на првата кинеска вакцина против COVID-19 врз луѓе, покажуваат дека таа е „безбедна и поттикнува брз одговор на имунолошкиот систем“.
Во текстот се наведува дека вакцината е испробана врз 108 доброволци, кои биле поделени во три групи, од кои секоја примала различни дози.
Како што се истакнува, вакцината се однесува како природна инфекција и одлично го „учи“ имунолошкиот систем како да се бори против коронавирусот.
За 28 дена, од денот кога е примена, вакцината дава видливи сериозни реакции, што значи дека човечкиот организам е толерантен на вакцината, објави The Lancet.
Две недели по инјектирањето на вакцината почнале да се појавуваат антитела против вирусот SARS-CoV-2, кои го достигнале врвот по 28 дена.
Втората фаза од испитувањето на вакцината почнала со учество на 508 доброволци.
Истражувањето го спроведува тим предводен од професорката по биологија на Воената академија за медицински науки, Чен Веи.
Во Кина се одобрени уште две испитувања на вакцини против коронавирусот врз луѓе.