Според последните резултати, утврдено е дека вакцината против коронавирус што ја разви кинески Sinovac Biotech е ефикасна само 50,4%.
Ова значи дека вакцината е значително помалку ефикасна од она што претходно беше објавено, а потребни се над 50 проценти за регулаторно одобрување.
Минатата недела, истражувачите од Институтот Бутантан, кои спроведоа испитувања во Бразил, рекоа дека вакцината е ефикасна 78 проценти против „благи до тешки“ случаи на COVID-19. Но, денеска соопштија дека според најновите сознанија, во овој процент не влегуваат податоци од групи на „многу благи инфекции“, кај оние кои ја развиле болеста и примиле вакцина и на кои не им била потребна лекарска помош.
Со вклучувањето на овие податоци, стапката на ефикасност сега е 50,4 проценти, велат истражувачите.
Но, тие нагласуваат дека вакцината е 78 проценти ефикасна во спречување на поблаги случаи на кои им треба третман и 100 проценти ефективни во спречување на умерени до тешки случаи.
Резултатите од испитувањето на кинеската вакцина варираат од земја до земја.
Турските истражувачи минатиот месец соопштија дека вакцината CoronaVac е ефикасна 91,25%, додека Индонезија, која ја започна својата програма за масовно вакцинирање минатата среда, рече дека е ефикасна 65,3 проценти.
Кинеската вакцина е, заедно со онаа на производителот AstraZeneca, е втора што бразилскиот регулатор моментално ја разгледува за одобрување, а повеќе земји, вклучувајќи ги Индонезија, Турција и Сингапур, веќе ја нарачаа оваа вакцина, според BBC.
