Најголемата платформа за мобилно плаќање во Кина се шири низ остатокот од Азија.
Alipay на гигантот за онлајн трговија Alibaba, има неверојатни 450 милиони корисници во Кина кои ги користат мобилните телефони за праќање пар, плаќање онланј, па дури и за плаќање сметки офлајн како во ресторани и трговија на мало.
Ant Financial, што раководи со Alipay, денес соопшти дека се спојува со HelloPay.
HelloPay е платформа за плаќање што пред три години ја создаде веб-страницата за е-трговија Lazada што ја нарекуваат „Amazon на Југоисточна Азија“.
Лани Alibaba купи управувачки пакет акции во Lazada во вредност од речиси 1 милијарда долари.
Сега се чини дека Alipay значително ќе расте надвор од Кина.
Иако HelloPay не се користи толку многу во Југоисточна Азија како Alipay во Кина, со спојувањето се очекува да се поплочи патот за реализирање на плановите на Alibaba да ја прошири Alipay надвор од Кина.
Меѓутоа, новите локализирани платформи на Alipay во регионот не се компатиблни со главната платформа Alipay. Тоа значи дека корисниците во Кина нема да можат да плаќаат во Југоисточна Азија и обратно.
Конкретните верзии на HelloPay по земји ќе бидат ребрендирани во Alipay Singapore, Alipay Malaysia, Alipay Indonesia и Alipay Philippines.
Нема да има дополнителни трошоци за корисниците на HelloPay и партнерите за плаќање што ги опфаќа платформата, потврди Даглас Фегин, потпретседател на Ant Financial.