Смртоносниот кинески вирус се шири, а бројот на заразени се зголеми тројно во текот на викендов. Ситуацијата во перидот што следи би можело да се влошува, предупредуваат експертите.
Се работи за вирусот 2019-nCoV кој го напаѓа респираторниот систем и предизвикува кашлица, висока температура и тешкотии со дишењето. Може да се извлекуваат течности од белите дробови и да се прочистуваат и прошируваат дишните патишта со кислород, но тоа се само начини за ублажување на симптомите.
Антибиотиците се немоќни против корона вирусот, а единствено „оружје“ е сопствениот имунитет на човекот додека не се развие вакцина, што би можело да биде долгортраен процес, а и самата вакцина не е секогаш ефикасна.
Кога вирусот ќе мутира, нема корист од вакцинација, како што се случува секоја следна зима со грипот.
Има шпекулации дека вирусот 2019-nCoV всушност е мутирана верзија на САРС, вирусот од кој починаа речиси 800 луѓе во Азија во 2002 година.
ДНКА анализата на вирусот 2019-nCoV покажа дека е сличен на САРС, однсоно дека е негова модифицирана форма. Но, кинеските официјални служби тоа засега не го потврдуваат, можеби бидејќи се загрижени дека таквата информација би можело да предизвика паника во јавноста.
Вирусот се појави во Вухан, во самиот центар на Кина, а потоа се рашири низ други градови низ земјата и пошироко. Потврдени се случаи во Јапонија, на Тајланд и во Јужна Кореја и сите заразени се луѓе кои дошле од Вухан, град од кој секој ден илјадници луѓе патуваат кон други градови и земји.
За карантин најверојатно веќе е доцна, а се стравува дека кинеските власти не сакаат да потврдат дека станува збор за епидемија, како и дека вистинскиот број на заболени е десет пати поголем од оној што се кажува во јавност.
Британците сметаат дека реалната бројка на заболени изнесува 1.700 и дека постојано расте. Во Вухан живеат 11 милиони луѓе, што значи дека е совршена мета за мутираниот вирус.
Кинески експерти потврдија дека вирусот се пренесува од човек на човек, што значи дека се пренесува, меѓу другото, со кивање и кашлање.
Одредени експерти предупредуваат дека за кратко време ситуацијата би можело да стане опасна, а последиците страшни, ако бројките кои се соопштуваат не се реални.
