Кинескиот бренд Xpeng претстави летачки автомобил кој би можел да стане реалност пред крајот на оваа деценија.
Xpeng претстави летачки автомобили кој на пазарот ќе биде пласиран од неговата подружница HT Aero фокусирана ексклузивно на Urban Air Mobilty, урбана воздушна мобилност која досега извршила над 15.000 тест летови на различни прототипови на дронови и автомобили.
Најновиот прототип се уште нема име, но со производство се очекува да почне од 2024 година.
Електричното возило има слични пропорции како и стандардниот автомобил, а поседува и пропелери кои можат да се сокријат во каросеријата кога автомобилот се движи на земја.
Сепак, концептот има и недостатоци. Пропелерите изгледаат како тешки, но дури и да се направени од полесен материјал проблем во тој случај стануваат трошоците.
И Tesla има планови за летачки автомобил, а Илон Маск уште во 2019 година најави дека Roadset ќе може да лета, но засега тоа остана без докази.