Кина ќе ги запре директните летови од и до Обединетото Кралство, изјави денеска Ванг Венбин, портпарол на кинеското МНР.
„По многу размислување, Кина одлучи да ги следи другите земји и да ги суспендира летовите од и до Обединетото Кралство, изјави Ванг пред новинарите, пренесе Reuters.
Причина за суспензија на летовите е загриженоста поради ширењето на новиот сој на коронавирусот, кој се појави во Велика Британија.
Откривањето на новиот сој и неговото брзо ширење ги загрижи европските земји, кои уште од неделата презедоа одредени мерки и донесоа одлуки за привремена суспензија на авиоособраќајот со Островот.
