Неписменоста во државава, особено кај сѐ поголемиот број на интернет портали, станува алармантна. Многумина користат кирилична поддршка која не е македонска и со тоа допринесуваат кон забуна кај граѓаните кои под такви влијанија почнуваат и самите да ја забораваат македонската кирилица, која има свои единствени правила.
Графичкиот дизајнер Ласко Џуровски направи листа на сите грешки кои се појавуваат поради погрешна употреба на кирилични букви и кои често не само што прават граѓаните да научат погрешно да пишуваат, туку и прават самите зборови да се тешко читливи.
На социјалните мрежи веќе се создаде дебата дали навистина ракописното Ш треба да се пишува со цртичка. Навистина, правилно е и без (според Правописот), но цртичката е неопходна поради слеаното пишување во комбинација со останатите ракописни букви слични на Ш, како на пример И и М, каде зборот едноставно станува нечитлив доколку на Ш нема цртичка.
