Контроверзниот австралиски тенисер Ник Кирјос особено се радува на утрешниот дуел со Рафаел Надал, па го најави на помпезен начин.
Кирјос и Надал ќе си ги одмерат силите утре на Централниот терен на Вимблдон во полуфинале, а тоа ќе им биде трет меч на најпознатиот тениски терен во светот.
„Ќе биде многу посебно да се игра против Рафаел. Игравме неверојатни мечеви на Централен терен и двајцата славевме по еднаш. Утрешниот дуел ќе биде историски за љубителите на тенисот низ целиот свет. Мислам дека ќе биде најгледаниот меч во историјата“, порача Кирјос, кој за разлика од утрешниот ривал, во текот на кариерата има правено бројни испади.
„Очигледно, јас и тој имаме два спротивни карактери, но чувствувам дека меѓусебно се почитуваме“, порача Кирјос.