Австралискиот тенисер Ник Кирјос наскоро би можел да ја заврши професионалната кариера, барем ако може да се верува на неговата објава на социјалните мрежи.
Кирјос објави црно-бела слика од себе заедно со неколку фотографии со Рафаел Надал, Новак Ѓоковиќ и Венус Вилијамс со интересен опис.
„Тенис... Проклетство... Беше лудо патување!!!! Сѐ почна поради вас. Засекогаш сум ви благодарен. Ги сакам сите мои фанови. Има само уште неколку поглавја останато...“
"Only a few chapters left..." 📖👀
— Eurosport (@eurosport) October 1, 2024
Could Nick Kyrgios be hinting at retirement in this cryptic post? 👋 pic.twitter.com/o25nJ7QDlZ
Истиот ден Австралиецот објави дека планира да игра на Австралија опен во јануари 2025 година, а многумина протолкуваа дека кариерата ќе ја заврши по турнирот во Мелбурн.
Беше најавено и дека 29-годишниот најверојатно ќе одигра неколку турнири пред Грен слем во својата татковина, за да биде максимално подготвен за Австралија опен.
Најдобар пласман во кариерата Кирјос забележа во 2016 година кога го држеше 13. место на АТП листата. Вкупно освои 7 титули, но се верува дека не го искористил целиот талент што го поседува.
