Михаел Кирш ќе ја преземе функцијата извршен директор на регионалната канцеларија на Porsche за Централна и Источна Европа од 1 мај 2025 година. Тој ја наследува Ирина Каук, која исто така презема нова улога како потпретседател за регионот Европа (со исклучок на Германија).
Двете назначувања се дел од стратешкото прегрупирање на Porsche AG за да се зајакне присуството на пазарот и да се загарантира идниот раст.
Кирш е во Porsche од 2012 година и работел како извршен директор на пазарите во Кореја, Јапонија и Кина, каде што придонел за успешниот развој на Porsche во Азија. Пред да се приклучи на Porsche, држел високи менаџерски позиции во BMW и меѓународен хотелски синџир.
Претходникот на Кирш, Ирина Каук, ќе остане во Porsche и ќе биде одговорна за регионот Европа од 1 мај па натаму. Каук во изминатите две години го предводеше регионот на PCEE, во кој спаѓа и нашата земја. Под нејзино раководство регионот забележа значителен раст и сега опфаќа 28 земји.
Porsche Централна и Источна Европа (PCEE), со седиште во Прага, е регионална канцеларија, како и целосна подружница на Dr. Ing. h.c. F. Porsche AG.
