Научници објавија докази кои потврдуваат дека орките ловат големи бели ајкули.
Станува збор за видео снимено со дрон, а кое прикажува како орки убиваат голема бела ајкула.
Јато китови-убијци е снимено во потера на големи бели ајкули, а истата траеше еден час. Целиот настан е снимен со дрон и од хеликоптер.
„Никогаш претходно не сме виделе вакво однесување, дефинитивно не од воздух“, изјави Алисон Таунер, експерт за ајкули од Јужна Африка.
Едното видео е снимено во мај, а прикажува пет орки кои ловат и убиваат голема бела ајкула. Научниците веруваат дека уште три ајкули се убиени во текот на ловот.
„Китовите-убијци се многу интелигентни и друштвени животни. Методата на лов ги прави ефикасни предатори“, вели Сајмон Елвен, експерт за морски цицачи и коавтор на студијата.
Орките се познати како предатори кои ловат различни видови ајкули, но доказите на напади на големи бели ајкули досега беа ограничени.
Во истражувањето не е откриена причината за ваквото однесување.
