Ѕидот во одбраната на Јуве призна дека за да ја освојат титулата во сезоната 2011/12 навивале и за Интер, од кого им требаше услуга.
Познато е лутото ривалство помеѓу Јувентус и Интер. Двата тима толку се мразат меѓу себе што на било кој натпревар му посакуваат пораз на другиот, макар било и пријателски.
Сепак, низ историјата постоеле ситуации кога едниот тим навивал за другиот. Навивал бидејќи имал некаква корист од тоа.
Таква случка открива Џорџо Кјелини во својата автобиографија „Io, Giorgio“ (Јас, Џорџо), а пренесува реномираната La Gazzetta dello Sport.
„Се случи да играме против Каљари, но истовремено да навиваме за Интер бидејќи во Милано се играше дербито. Епа помислете колку опции сме имале...“, пишува тој во својата автобиографија.
Тоа беше во сезоната 2011/12 и првото Скудето за Јувентус после сезоната 2002/03. Јувен и Милан грчевито се бореа за врвот, а „Росонерите“ беа бранители на тронот.
Се играше претпоследното 37 коло во кое Јуве влезе со 78 бодови, само еден пред Милан. „Старата дама“ славеше на гости кај Каљари со 2:0 (всушност на неутрален терен во Трст поради реновирање на стадионот во Каљари), додека Интер со 4:2 ги уништи шансите на Милан и практично му овозможи на Јуве да го освои Скудетото.
„Дојдоа брат ми, мајка ми, свекорот, 5 часа вожња од Ливорно. Се сеќавам на тензичноста таа недела, после закуската во 17 часот (...) Можеше с да се случи. Доколку одигравме нерешено, а Милан победеше. Но, по 6 минути игра веќе бевме во вдство, а Интер му даде 4 на Милан (...) Со нашиот гол за 2:0, автогол на Кнаини, се сконцентриравме на резултатот д миалнското дерби и во одреден момент сфативме дека е готово“, раскажува Кјелини.
За Џорџо тоа беше прво Скудето, а тимот тогаш го предводеше денешниот тренер на Интер, Антонио Конте.