Пензионираниот американски генерал Весли Кларк и косовскиот премиер Албин Курти гостуваа во програмата на CNN.
Во изјава за медиумот Кларк вели: „Вучиќ сака да го окупира барем северниот дел на Косово, а можеби и повеќе, и да ја разбие Босна и Херцеговина и да формира голема Србија. Ако потфрлиме во Украина, таа неволја ќе се врати токму на Балканот“, пренесува Slobodna Bosna.
Кларк додава дека „Србија е руска рака на Балканот“.
„Србија им служи на руските интереси. Сега претседателот Вучиќ е паметен. Се претставува како да игра на двете страни, но кога ќе дојде време, ќе го направи она што Путин го бара од него“, тврди генералот Кларк, пренесува Radio Sarajevo.
Косовскиот премиер Курти предупредува:
„Нашиот северен сосед е многу агресивен кон Косово. Србија има 48 напредни оперативни бази околу границата, кои чекаат нова можност. Кремљ и Белград историски, политички и оперативно се имитираат еден со друг“, рече тој, пишуваат медиумите во соседството.
General Clark:
— Admirim (@admirim) July 9, 2024
Vucic wants to take at least the northern part of Kosovo, and maybe more, and break up BiH and establish Greater Serbia.
If we falter in Ukraine, that trouble is coming right back into the Balkans, and leaders like PM Kurti are going to have to deal with it. https://t.co/Oj9ZF0Q6VE pic.twitter.com/0SMokbqZrk
