Кошаркарите на Голден Стејт Вориорс ги победија Лос Анџелес Лејкерс со 130: 111, потврдувајќи ја добрата форма со осми последователен триумф.
Гостите доминираа во првите тро четвртини, а на полувремето веќе имаа предност од 10 поени.
Во еден момент при крајот разликата изнесуваше дури 30 поени за Вориорс. Тогаш попуштија, па Лејкерс имаа шанса до некаде да го ублажат поразот.
До победата ги предводеше Клеј Томпсон кој во три четвртини од играта постигна 44 поени и погоди 10 тројки од 11 обиди.
Исто така, Томпсон постави нов НБА рекорд бидејќи никој пред него не постигнал 10 тројки во 10 обиди со ред на еден натпревар.
Клеј имаше поддршка од Кевин Дурант кој постигна 20 поени и шест скокови, а во тимот на Лејкерс се покажа хрватскиот кошаркар Ивица Зубац со 18 поени.
Вориорс се на прво место во Западната конференција со две победи повеќе од второпласираните Денвер Нагетс кои имаат и два натпревари помалку. Лејкерс се на деветтата позиција.