Климатски активисти ја вандализираа вилата на Меси од 10 милиони евра

Вилата на Ибица, со сопственот на еден од најголемите фудбалери на сите времиња, беше мета на вандали, односно климатски активисти кои ја уништија.

Британските медиуми групата Futuro Vegetal (Иднината на зеленчукот) ја нарекоа „еко-мафија“, а тие самите објавија видео на кое се гледаат двајца нивни членови како стојат пред вилата и држат транспарент на кој пишува: „Помогнете ѝ на планетата - јадете ги богатите - укинете ја полицијата“.

Активистите ја испрскаа белата фасада на вилата на Меси со црвена и црна боја, а тоа го објавија и на Х.

„Ја ѓубревме вилата на Меси на Ибица. Вилата е дивоградба која фудбалерот ја набавил за неверојатна сума од 10 милиони евра“, напиша групата активисти.

„Додека екстремната десница ги обвинува имигрантите за кризата и покажува екстремно насилство врз нив, луѓето како нас кои се борат за подобар свет јасно разбираат дека проблемот е социјалната нееднаквост“, додаваат тие, обвинувајќи ги богатите за недеостаток на реакција на климатските промени.

Futuro Vegetal, исто така, цитираше извештај на Oxfam од 2023 година, кој покажа дека најбогатиот 1% од светската популација генерирал иста количина на емисии на јаглерод во 2019 година како и најсиромашните две третини од човештвото.