Кошаркарите на Клиперс го совладаа Лејкерс со 119:115 во градското дерби на Лос Анџелес и го постигнаа 12-тиот сезонски триумф.
Клиперси водеа речиси во текот на целиот натпревар, но Лејкерси не дозволуваа одлешување и кон самиот крај за малку не направија пресврт, но сепак немаа сили за конечен подвиг.
Во редовите на Клиперс се истакна Маркус Морис Ср. со 21 поен, Пол Џорџ и Лук Кенард со по 19 уфрлувања, додека Реџи Џексон даде 16 поени.
На Лејкерси не им помогнаа ниту добрите игри на Ентони Дејвис со 27 поени и 10 скока, како и на Леброн Џејмс кој постигна 23 поени и забележа 11 скока.
Во дуелот на екипите со најдобар скор во лигата, Голден Стејт Вориорс на свој паркет го совладаа Феникс Санс со 118:96.
Стивен Кари постигна 23 поени, а Ендрју Вигинс и Гери Пејтон II по 19. Кај Санс најефикасен беше Деандре Ејтон со 23 поени.
Нов пораз претрпеа Далас Маверикс, а овој пат подобри од нив беа Њу Орлеанс Пеликанс со 107:91. На „Мамузите“ не им помогнаа ниту 21 поен на Дончиќ, кој имаше и 10 скока и 7 асистенции.
Индијана Пејсерс - Мајами Хит 104:113
Вашингтон Визардс - Кливленд Кавалирс 101:116
Атланта Хокс - Филаделфија 76ерс 96:98
Бруклин Нетс - Минесота Тимбервулфс 110:105
Хјустон Рокетс - Орландо Меџик 118:116
Далас Маверикс - Њу Орлеанс Пеликанс 91:107
Јута Џез - Бостон Селтикс 137:130
Голден Стејт Вориорс - Феникс Санс 118:96
Лос Анџелес Лејкерс - Лос Анџелес Клиперс 115:119
