Тренерот на „Црвените“ најде решение за згуснатиот распоред. Тој побара од Астон Вила да дојде во Катар и таму да го одиграат натпреварот од Лига купот.
Како победник на Лигата на шампиони Ливерпул ќе ја претставува Европа на претстојното Светско клупско првенство во Катар. Но, нивниот престој таму се поклопува со четвртфиналниот натпревар од домашниот Лига куп против Астон Вила.
„Ги прашавме луѓето од Астон Вила дали би сакале да дојдат во Катар и таму да го одиграме натпреварот. Моравме да донесеме таква одлука бидејќи немаше ништо друго што ќе одговараше. Ова е најдобрата опција. Сѐ уште не знаеме како ќе го изведеме тоа, но има време“, рече Клоп.
„Не беше можно да испратиме 11 играчи во Катар да за одиграат два натпревара додека останатите да останат во Англија и да играат против Астон Вила. Затоа, веројатно ќе користиме два тима истовремено, еден ќе игра на Светското клупско првенство, додека друг во Лига купот“.
Германскиот стратег се осврна и на густиот распоред што англиските клубови секоја година ги мачи.
„Секоја година го правиме истото и луѓето сметаат дека е смешно тоа што еден тим треба да игра пет натпревари за три дена. Не ми се допаѓа ни тоа што полуфиналето е со реванш. Не разбирам зошто е тоа така во и онака згуснатиот распоред“, заврши тој.
Ливерпул на 18 декември треба да игра полуфинале на планетарниот собир, додека натпреварот со Астон Вила е закажан за претходниот ден.