Стратегот на Ливерпул е импресиониран од она што Тотенхем го игра сезонава. Тимот под водство на Мурињо стана еден од главните фаворити за титулата сезонава.
„Мурињо го претвори Тотенхем во машина за резултати. Со добра игра доаѓаат до резултати, а победуваат и кога не играат најдобро. ПОбедуваат со колективна игра, а така и се бранат. Многу се импресивни“, вели Клоп.
Жозе Мурињо има навистина импресивен старт на сезоната откако лани се мачеше. Навистина, минатата сезона имаше големи проблеми со повредени играчи, а сега игра со полн состав и веднаш се гледаат резултатите.
„Не бев изненаден што некои го отпишуваа Мурињо кога си замина од Манчестер Јунајтед, едноставно во таков свет живееме. До вчера сте успешен, а ако денеска не победите ќе ве критикуваат. Едноставно, така е. Сепак, тој покажа дека може да се врати, ако воопшто може да се каже враќање. Импресивно е тоа што го направи за Тотенхем и начинот на кој играат оваа година е навистина добар“.
Клоп тврди дека играта која ја практикува Мурињо е многу слична на неговата во Ливерпул.
„Не ме изненадува нивниот развој. Имаат многу сличности со нашата игра, како тргнуваат, како ја градат акцијата и фудбалот кој го играат. Доколку ја анализирате нивнатеа игра, тие се вистински фудбалски тим и играат добат фудбал. Гледате дека Кејн се повлекува како Фирмину, имаат две крила, многу офанзивни играчи во средината како Ндомбеле и Ло Селсо. Едноставно играат фудбал. Не може да бидете лидер во Премиер лигата само со контра напади“, објаснува германскиот стратег.
„Ако ги чуваме Кејн и Сон, тие имаат други добри играчи кои можат да ни направат штета. Тие се вистински тим со добри фудбалери на сите позиции. Бергвајн игра важна улога. На Ндомбеле му требаше малку подолго време да се прилагоди, но сега е 100% присутен и ја дели работата со Ло Селсо, а тука се и Сисоко и Хејбјер кои се исклучително важни. Сето тоа им функционира одлично. Нормално, го имаат и Иго Лорис. Во одлична форма се. Тоа е тоа“, заврши Клоп.