Дербито помеѓу Манчестер Јунајтед и Ливерпул е закажано за утре на „Олд Трафорд“. Редсите се лидери на табелата со максимални 24 поени, а „црвените ѓаволи“ се дури на 12. место со само 9 поени.
Тренерот на Ливерпул, Јирген Клоп, бурно реагираше на конференцијата за натпреварот, особено за коментарите дека Манчестер нема никакви шанси за победа.
Клоп го коментираше мислењето на спортскиот новинар на Sky Sports, Дени Милс, кој во составот на најдобрите играчи од двата тима ги стави само играчите на Ливерпул.
„Гледам дека Sky Sports ја направи идеалната екипа со 11 играчи на Ливерпул. Дали ова треба да биде смешно? Светот моментално е вистински циркус, а ние сме во неговиот центар. Јас сум уверен во силата на Јунајтед“, рече Клоп.