Тренерот на Ливерпул, Јирген Клоп е задоволен од победата на неговиот тим над Челси, кој заврши со резултат 2:1.
Според Клоп, неговиот тим ги заслужи трите бода.
„Првото полувреме беше напорно за нас. Постигнавме два прекрасни гола, а по паузата можевме да постигнеме уште неколку. Заработивме три бода, иако во Лондон е тешко да се победи. Треба да бидете подготвени за сите ривали. Секој сака да нè победи. И ние треба да бидеме подготвени“, изјави Клоп.
Ливерпул одлично ја започна сезоната во Премиер лигата. Тимот има шест победи и 18 бода по првите шест кола.