Џорџ Клуни стана татко на близнаци откако неговата сопруга во јуни ги роди Ела и Александер. Тој вели дека се снаоѓа во улогата на татко, но тешко му оди.
Познатиот актер Џорџ Клуни призна дека чувствува притисок носејќи се со татковската улога и дека обврските околу децата често знаат да го истоштат.
„Децата не плачат, туку плачам јас, и тоа по четирипати дневно затоа што сум страшно изморен. Не е дека не знаев што ме чека, многу од моите пријатели имаат деца а и јас сум кум на неколку од нив. Меѓутоа, изненаден сум колку е потешко да се биде татко на близнаци отколку на едно дете. Тоа не значи двојно повеќе работа, туку многу повеќе од тоа“, изјави Клуни.
Сепак, актерот призна дека нему му е полесно отколку на неговата жена, Амал.
„И се восхитувам, таа може да спие по два часа дневно и сепак да има трпение за сите нас. Прекрасно е да се види колку децата ја сакаат“, додаде тој.
Клуни додаде и дека претходно не ни претпоставувал дека некогаш ќе биде татко, и сметал дека неговиот живот до крајот ќе биде посветен само на глумата и кариерата.
