Во многу земји и култури книгата Камасутра има репутација на еден од најраните текстови за сексот. Книгата поттикна цела индустрија откако беше популаризирана – од илустрирани книги до филмови, брендирани кондоми и колумни во списанија. Но, проблемот е во тоа што книгата воопшто не е секси.
На Запад била објавена кон крајот на 19. век благодарение на британскиот истражувач и „ориенталист“ Ричард Франсис Бартон. Камасутра ја донела егзотичната замисла за сексот во воздржаното викторијанско општество.
Но, иако луѓето најчесто се фокусирале на поглавјата посветени на сексуални пози, делот што се однесува на физичкиот акт на интимност е само еден дел од седумте поглавја на книгата.
Кога подобро ќе ја разгледате, книгата стара 2.000 години раскажува сосема поинаква приказна.
Оригинално ја составил философот Маланага Ватсјајана и била напишана како детален водич за тоа како да водите луксузен и отмен живот во древна Индија.
Во книгата има совети како мажот успешно да ја изневери жената, како се уредува ергенско живеалиште, како сексуалните работнички да заработуваат повеќе пари, како да ја одржите верноста на жената, кои типови на жени не чинат, па дури и делови во кои се опишува како бракот против своја волја е во ред.
Ова видео ќе ви даде уште податоци за вистинската Камасутра: