Кошаркарот Коби Брајант кој почина минатата година заедно со својата ќерка и уште седум лица во пад на хеликоптер, постхумно беше примен во Куќата на славните синоќа, на церемонија што беше организирана со одложување од осум месеци поради пандемијата на коронавирус.
Брајант ја освои титулата во НБА пет пати, беше избран во Ол Стар тимот на НБА 18 пати, а беше именуван за МВП во сезоната 2007/08.
„Личната статистика на Коби зборува сама за себе, тој беше на друго ниво. Никогаш не одеше по пократкиот пат во кошарката. Даваше сѐ од себе на играта“, рече вдовицата на Коби, Ванеса, на церемонијата.
„Успеа, сега си во Ќуќата на славните“, додаде Ванеса Брајант во емотивниот говор. „Ти си вистински шампион. Ти не си само МВП, ти си великан на кошарката. Многу се гордеам со тебе. Ќе те сакам секогаш и засекогаш, Коби Бин Брајант“.
