Регион

Коѕијас на Twitter: Сакаа длабоко да ме закопаат, но заборавија дека сум семе

17. октомври 2018 - 17:33 | МИА

Атина, 17 октомври 2018 (МИА) - Сакаа длабоко да ме закопаат, но заборавија дека сум семе, порача шефот на грчката дипломатија, Никос Коѕијас преку неговиот Twitter профил, кусо по поднесената оставка, користејќи делови од песна на грчки композитор и поема на грчки поет.

„Доаѓа моментот да одлучиш со кои ќе одиш и кои ќе ги напуштиш“, вели поетот. Премиерот и низа министри на вчерашната владина седница го направија нивниот избор и јас мојот. Но, добро е да го запаметат стихот: длабоко да ме закопаат сакаа, заборавија дека сум семе“, пишува Коѕијас.

Како што јави дописничката на МИА од Атина, шефот на грчката дипломатија, во првиот дел цитираше стих од песна на познатиот грчки композитор, изведувач и текстописец Дионисис Савопулос (доаѓа моментот да одлучиш со кои ќе одиш и кои ќе ги напуштиш) додека пак последниот дел, стихот што треба да го запаметат, како што вели Коѕијас,е од поетот Динос Христианопулос.

Коментирај