Цинкот, како додаток на исхраната, ја покажа својата важност за време на пандемијата кога научниците открија дека многу хоспитализирани пациенти со коронавирус имаат недостаток на цинк во нивните тела.
Цинкот игра важна улога во функционирањето на имунолошкиот систем, а пастилите кои содржат цинк може да го скратат времетраењето на настинката.
Сезоната на настинки и грип е пред нас, па затоа е добро да знаете како цинкот може да ви помогне да ја поминете што е можно поуспешно. Цинкот е есенцијален минерал кој се наоѓа во сите клетки на телото, меѓу другото учествува во синтезата на деоксирибонуклеинската киселина и протеините и му помага на имунолошкиот систем во борбата против бактериите и вирусите.
Цинкот може да помогне и во процесот на заздравување кај луѓе со долготрајни рани или чиреви. Сепак, најголемата предност и придобивка од цинкот е тоа што може да го скрати времетраењето на настинките, што е добро да се знае бидејќи ни претстои уште една сезона на настинки и грип.
Исто така, доволна количина на цинк во телото е поврзана со побрзо заспивање и подобар квалитет на сон.
Препорачаната дневна доза на цинк варира од личност до личност, но на повеќето возрасни жени им требаат осум до 12 милиграми, а на повеќето возрасни мажи им требаат 11 милиграми цинк дневно.
Кога бараме цинк во храната, го наоѓаме во најголеми количини во месото, рибата и остригите. Во одредени количини го има и во растителни извори, како што се семките од тиква и леќа, додека го нема во изобилство во овошјето и зеленчукот. Може да се најде и во збогатените житарки кои најчесто се јадат за појадок.
Повеќето луѓе добиваат доволно цинк од храната што ја јадат и не им се потребни додатоци на цинк. Но, некои луѓе може да имаат корист од земање додатоци на цинк, особено овие групи:
- луѓе со дигестивни нарушувања како што се целијачна болест, улцеративен колитис или Кронова болест
- вегетаријанци и вегани (со оглед на тоа што растенијата се нивниот главен извор на протеини)
- луѓе кои пијат премногу алкохол (алкохолните пијалоци ја намалуваат количината на цинк апсорбирана од телото)
Следниве знаци може да укажуваат на недостаток на цинк во телото:
- губење на вкус и мирис
- бавно зараснување на раните
- проблеми со размислување, расудување и меморија
Некои луѓе може да имаат корист од земање пастили со цинк во рок од 24 часа од почетокот на симптомите на настинка (а потоа на секои два до три часа додека се будни до една недела), бидејќи тоа може да го скрати времетраењето на болеста.
Постојат различни видови на цинк, вклучувајќи цинк сулфат, цинк ацетат и цинк глуконат, но не е познато која форма е подобра од другите. Сепак, цинк ацетатот се покажа како најдобар специјално за настинки.
Во принцип, не постои одредено време од денот кога треба да се зема цинк. Ако забележите дека чувствувате гадење кога го земате на празен стомак, земете го со оброк.
На тој начин, можете да добиете дополнителни придобивки бидејќи цинкот најдобро се апсорбира кога се зема со протеини. Затоа, земањето цинк со високопротеински појадок може да биде одлична опција.
Зависи од човек до човек, најдобро е да се консултирате со лекар. Потребите може да варираат во зависност од моменталната состојба на вашето тело.
Ако земате мала доза на цинк, во форма на мултивитамин, безбедно е да го земате секој ден, особено ако не консумирате големи количини на цинк во вашата секојдневна исхрана.
Но, се препорачува да не се земаат големи дози на цинк подолго од две недели, освен ако лекарот не препише поинаку.
