Кога е најдоброто време за секс? Како го доживуваат луѓето сексот во дваесеттите години, а како во педесеттите години? Одговорите на ова прашање ги открива сексологот Трејси Кокс во новата книга „Добриот секс почнува во педесеттите“.
Според неа, за експериментирање идеални се дваесеттите години. Слободата и несигурноста се измешани кога некој е толку млад, односите често се прекинуваат и започнуваат нови. Сексуалниот нагон е многу силен.
Секс во тројка, секс со личност од ист пол, секс за една вечер, сето ова им паѓа на ум на луѓето во дваесеттите години. Но, тие се многу често несигурни бидејќи се фокусирани на изгледот, а не на задоволството.
„Не постои совршено тело. Ако сте добри во кревет, не значи само дека имате згодно тело туку и ентузијазам. Доколку по сексот не се чувствувате добро, тогаш сте спиеле со погрешна личност“, вели Кокс.
Кога се нешто повозрасни, односно во четвртата деценија, луѓето најчесто стапуваат во брак и тогаш настанува малку помирна фаза. Најмногу неверства се случуваат кај луѓето на овие години бидејќи не можат да замислат дека ќе спијат со истиот човек до крајот на животот.
Но, истовремено, луѓето се посигурни од претходно и подобро го познаваат своето тело. Иако некои жени имаат проблем со постигнување оргазам во текот на дваесеттите години, во триесеттите тоа не е проблем, бидејќи се поискусни и знаат точно да објаснат што сакаат од партнерот.
Четириесеттите години се пресвртни во сексуалниот живот. Концентрацијата е подобра, а физичкиот изглед е во втор план. Сексуалното либидо е силно, па и ситуацијата во кревет е добра.
Можеби е изненадување, но Кокс тврди дека сексот во педесеттите години е најдобар. Иако сексуалниот нагон почнува да опаѓа по менопауза, сексот може да биде одличен бидејќи жените се целосно опуштени.
„Децата се пораснати, кариерата ви е изградена, имате време да си посветите себеси. Сексот е тогаш побавен и поеротичен“, вели таа.
Што мислите вие, во кои години сексот е најдобар?