Таткото му напишал оправдување на својот син за отсуство од настава поради гледање во живо на натпреварот Аталанта - Валенсија.
Малиот Едоардо синоќа имаше одлично оправдување кај учителката зошто нема да присуствува на попладневните часови. Неговиот татко, верен навивач на Аталанта, му напишал оправдание кои ѝ било врачено на учителката.
Натпреварот, иако со почеток од 21 часот, бидејќи се играше во Милано малиот Едоардо морал порано да го напушти училиштето. Секако, тоа за татко му не претставувало проблем. Од Бергамо до Милано има околу еден час возење.
Оправданието стигна дури и до градоначалникот на Бергамо, Џорџо Гори, кој дури и се пофали со него на Twitter.
„Ве информирам дека денеска попладне Едоардо ќе отсуствува поради историско-културолошки обврски. Со тато ќе присуствува на една нова страница во историјата на Бергамо. НАПРЕД АТАЛАНТА!“
И навистина Едоардо и татко му присуствуваа на испишување нова страница во историјата на градот. Нивната омилена Аталанта ја прегази Валенсија и е на добар пат да стигне до четвртфиналето во Лигата на шампионите.