Јаткастите плодови се сметаат за здрава храна, но не и ако се пржени.
Јадењето пржени јаткасти плодови нема да донесе никаква корист, напротив, му штети на вашето здравје.
Според нутриционистката Марија Мукина, јаткастите плодови губат дел од своите корисни својства при пржењето. Покрај тоа, во нив се акумулираат штетни материи. Тоа се случува поради фактот што при пржењето се уништуваат многу витамини и здрави масла, а наместо нив се појавуваат канцерогени материи.
Сувите јаткасти плодови во нивната оригинална форма се најздрави. Пред консумирање, јаткастите плодови треба да се потопат во вода час или два за полесно да се варат.
Имено, оваа храна е покриена со фитинска киселина, која се врзува за минералите во гастроинтестиналниот тракт и не може да се апсорбира во цревата, што кај некои луѓе може да предизвика дигестивни проблеми. Исто така, натопувањето на јаткастите плодови гарантира дека добиваме повеќе протеини, масни киселини, витамини од групата Б, калиум и магнезиум.
Јаткастите плодови содржат и влакна потребни за нормализирање на функцијата на цревата, регулирање на нивото на шеќер во крвта и намалување на количината на „лошиот“ холестерол.
На луѓето со алергија на јаткасти плодови им се препорачува да бидат внимателни. Подобро е да ги избегнувате доколку страдате од гастроинтестинални заболувања и панкреатитис.
