Најновите истражувања го поврзуваат незадоволството на работа со прекумерен стрес предизвикан од личниот став на вработениот кон работата која треба да ја извршува. Кога новиот вработен очекува премногу, а добива нешто друго, работата дефинитивно не му е песна.
„Наеднаш секоја задача ве втурнува во депресија и незадоволство па станувате агресивни и лесно раздразливи“ вели авторот на истражувањето Мајкл Харари. На овој начин вработениот губи мотивација и самодоверба и не сака да се труди околу заедничата цел на компанијата за која работи.
Чувството дека сте предобри за вашата работа оди рака-под-рака со дoцнењето на работа, брзото здосадување и предвременото заминување. „Работите колку да работите и постојано се „туфкате“ како никој не ве цени“ додава Харари.
Сепак, научниците од Florida Atlantic University велат дека оваа појава вообичаено се јавува кај помладите со исклучително добро резиме и академска позадина додека поискусните индивидуи полесно се адаптираат на новонастанатите работни обврски и односи и брзо ја засакуваат новата работа.
