Златан Ибрахимовиќ е посебен на многу начини, а по враќањето во Милан е и водечката сила и мотивација на тимот.
Од вчера во продажба е новиот Sony PlayStation 5, а Ибра, како што пишуваат италијанските медиуми, решил да купи дваесетина пакети и да ги почести своите соиграчи од Милан, кој во моментов е прв во Серија А.
Така, Матео Мусакио, Сем Кастиљехо и Рафаел Леао објавија фотографии на своите социјални мрежи, заблагодарувајќи му се на Ибрахимовиќ за извонредниот подарок.
Досега се одиграа седум кола во италијанскиот шампионат, а Златан Ибрахимовиќ во моментов е најдобар стрелец во лигата, бидејќи постигна дури осум погодоци.
Не е лошо за 39-годишник, нели?