Доколку сакате да испиете шолја чај кога ќе се разбудите, а сте бремени или го доите вашето бебе, треба да знаете кои чаеви треба да ги консумирате, затоа што не се препорачува да пиете секаков чај.
Исхраната е многу важна во текот на бременоста. Таа игра значајна улога во растот и развојот на фетусот во матката. Меѓутоа, бремените жени треба да внимавааат што јадат и што пијат.
Консумирањето на билните чаеви е корисно за вашиот организам затоа што тие содржат хранливи материи и антиоксиданти.
Мајките-доилки имаат корист од консумирањето на билните чаеви затоа што некои од нив го зголемуваат производството на млеко. Затоа, мајките треба да знаат кој чај да го изберат, а кој не треба да го консумираат.
Чајот од лист од малина ги олеснува болките при раѓањето. Со оглед на тоа што е богат со железо, помага во зголемувањето на млекото и ја олеснува утринската мачнина. Меѓутоа, не треба да го пиете овој чај во текот на првото тримесечје поради ризик од спонтан абортус.
Чајот од коприва е полн со витамин А, Ц и К, а е богат и со железо и калиум кои се важни во текот на бременоста и доењето. Консумирањето на овој чај ја зголемува енергијата.
Чајот од чичка е добар за жените коишто дојат затоа што помага во производството на млеко.
Чајот од ѓумбир има смирувачко дејство. Му помага на дигестивниот систем и ги намалува утринските мачнини кај бремените жени.
Билните чаеви кои жените НЕ треба да ги консумираат во текот на бременоста се: чај од жалфија, оригано, пеперминт и алое.