Есента е период кога уживаме во топли и ароматични напитоци и различни чаеви. Но, иако мислиме дека не постои некоја филозофија околу подготовката и пиењето чај, сепак реалноста е малку поинаква.
Кои грешки ги правиме додека пиеме чај, а не сме ни свесни?
Не треба вреќичката чај предолго да стои во шолјата
Можеби некому ова му звучи бесмислено, но имајте на ум дека мало невнимание може да има и несакани ефекти кои ќе ги почувствувате во устата и вкусот.
Колку подолго чајот се натопува, станува погорчлив. Виновник за тоа е танинот што се наоѓа во листовите чај, а се ослободува по неколку минути инфузија. Овие полифеноли можат да предизвикаат сувост во устата.
Не треба да го пиете чајот скоро оладен
Ако случајно заборавите на вашата шолја чај, подобро е да ја истурите течноста отколку да ја испиете по неколку часа. Кинеско истражување покажа дека црниот чај со текот на времето може да стане отров, особено ако се пие следниот ден или дури и неколку часа по подготовката.
Оксидирајќи во допир со воздухот, танинот може да предизвика создавање микроскопски габи, невидливи со голо око, кои ќе продолжат да се развиваат без вие да бидете свесни за тоа. Иако не е смртоносно, сепак е подобро да избегнувате внесување токсини кои дополнително можат да го оптоварат вашиот црн дроб, пишува Grazia.
