За да бидете дел од елитните светски универзитети потребно е да поседување многу знаење, кое примарно се црпи со читање на книги. Секој универзитет има посебна листа на книги кои нивните студенти треба да ги прочитаат, а листата на секој универзитет се разликува во зависност од изборот на студии и географската локација.
Ако сакате листи со книги, тогаш нема подобар начин да го поминете денот од листање на Open Syllabus Project (OSP). Оваа огромна база на податоци ги содржи сите книги кои ги обработуваат најголемите и најдобри светски универзитети и може да ви даде детален приказ на книгите кои ги формираат умовите на најуспешните студенти на денешницата.
Најдоброто кај Open Syllabus Project е тоа што оваа страница содржи филтри, па можете да одбрете жанр и земја во која се обработува книгата. Па така на пример, ако одберете Историја и Велика Британија, ќе се покаже следната листа на книги:
- „Orientalism“ – Едвард Сед
- „What is History“ – Е.Х. Кар
- „Debate“ – Џон Дарвин
- „In Defence of History“ – Ричард Еванс
- „The Communist Manifesto“ – Карл Маркс
- „History in Practice“ – Л.Ј. Јорданова
Од друга страна пак, ако го насочите филтерот кон литература на англиски јазик и одберете некоја од териториите во САД, листата ќе ги содржи овие книги:
- „The Open Boat“ – Стивен Крејн
- „Death of a Salesman“ – Артур Милер
- „Deliverance“ – Џејмс Дики
- „A Streetcar Named Desire“ – Тенеси Вилијамс
- „Hamlet“ – Вилијам Шекспир
- „Invisible Man“ – Ралф Елисон
Според статистиката на OSP, помеѓу најчитаните автори на светските универзитети се наоѓаат Дијана Хакер, Тони Морисон, Џејн Остин, Вирџинија Вулф, Мари Шели, Џорџ Елиот и Вилијам Шекспир.
Како што универзитетите каде предавањата се одржуваат на англиски јазик имаат задолжителни книги како „Lord of the Flies“ и „To Kill a Mockingbird“, така и универзитетите кои предаваат на останатите светски јазици имаа некоја книга која е нужно да се прочита. Во албанските и косовските универзитети тоа е „Kronikë në gur“ (Хроники во камен) од Исмаил Кадаре, додека српските и босанските универзитети таа книга е „Na drini ćuprija“ (Мостот на Дрина) од Иво Андриќ.
